Տաք հագուստ, անձրևապաշտպան բաճկոն, գլխարկ, բրդուճներ, ջուր, սոսինձ, թղթեր։
Շրջակա միջավայրի մաքրման աշխատանքների համար անհրաժեշտ պարագաներ՝ աղբի տոպրակներ, ձեռնոցներ։
Ճամփորդության նկարագրություն
Նախապատրաստական փուլ. Սովորողների հետ անդրադառնում ենք ճամփորդական կանոններին, խմբերով կազմում են ճամփորդական կանոններ, այնուհետև ուսումնասիրում ենք քարտեզը, գտնում ենք Բուսաբանակամ այգին: Դրանից հետո զրուցում ենք անտառի, ծառերի մասին մտագրոհով մեթոդով ասում ենք բառեր, որոնք կապ ունեն ծառի հետ, զրուցում ենք ծառերի կառուցվածքի մասին (բուն, փչակ, սաղարթ, տերև, ճյուղ), թվարկում ենք ծառերի անվանումները, որից հետո բաժանվում են խմբերի ու ասում ենք ծանոթ ծառերի անուններ։ Կատարում ենք Կոմիտասի երգացանկից մեզ…
Նպատակ— Սովորող-սովորեցնող, մարզական-հայրենագիտական, կրթական փոխանակում
Կրթական փոխանակումներ — ԿԱՍՍԱ հիրմնադրամի սաների հետ’ Դիջիթեք և Բնատեխնիկական ստուգատեսի ներկայացում
Հայրենագիտական կայաններ-քայլարշավներ՝
Ագարակի Բրոնզեդարյան հնատեղի
Հառիճավանք
Արուճի քարավանատուն — Արուճի եկեղեցի
Արուճի եկեղեցի
Յոթ Վերք եկեղեցի
Կապսի ձոր
Թվային միջոց՝ բջջային հեռախոս, լիցքավորիչ- հաշվետու նյութերի և կապի համար:
Նախատեսվում է ուղիղ եթերներ Իվետա Ջանազյանի և Անահիտ Գևորգյանի, Սյուզի Սարգսյանի ՖԲ-ի էջերում, հաշվետու-պատումներ, ֆոտոշարեր սովորողների անհատական ուսումնական բլոգներում:
Կարգով-շարքով, սիրուն հավաքվեցինք Սուրբ Երրորդություն եկեղեցու բակում։ Էնքան ծիծաղելի էր բոլորիս դեմքերը առաջին հայացքից, որովհետև շատ տատիկ-պապիկներ էին հավաքվել բակում, իրենք էլ էին ճամփորդության գնում ու ովքեր մոտենում էին շշմած նայում էին, թե բա ո ՞վքերով ենք գնում։ Առաջին կանգառն, արդեն ավանդույթ դարձած՝ Արարատին դեմ դիմաց վայելելու, ճամփորդների հիացած դեմքերը, խոսքն ու զրույցը լսելու րոպեներն էին։ Երկրորդ կանգառը Արենիի «Արենի-1» Թռչունների քարանձավն էր, որտեղ գտնվել է առաջին կոշիկը։ Նախաճաշեցինք, խաղացինք Արփա գետի ընկերակցությամբ և քչքչոցի անուշ երաժտությամբ։ Հետո Եղեգիս գյուղով քայլեցինք դեպի Զորաց եկեղեցի՝ ընկույզ հավաքելով, երգելով, գյուղացիների հետ զրուցելով։ Հասանք իմ ամենասիրելի վայրերից մեկը՝ չքնաղ Արատես, ծնողների հիացմունքը անպատմելի է։ Տիկին Մարիետը շշմեցրեց մեզ՝ թոնիրը վառեցինք, խմորը հունցեց և սովորողների մասնակցությամբ լոշիկներ թխեցին, պանրով վայելեցինք։ Փորներս արդեն կուշտ էր, սկսեցինք խաղեր խաղալ, հեքիաթներ կարդալ, մասուր հավաքել, երեկոյան էլ թեյախմությամբ հավաքվեցինք, ամփոփեցինք օրը։
Վիգեն Ավետիսը միացել էր «ում որ հոգին վառվում է վառ» Արագածի Հարավային գագաթ բարձրանալու նախագծին: Գագաթը արտակարգ հաղթահարելուց հետո, մի լավ սովորույթ կա, Ալբերտ Տոնեյանը մկրտում է առաջին անգամ գագաթ բարձրացած մարդուն: Վիգեն Ավետիսը նույնպես մկրտվեց, որովհետև առաջին անագամ էր բարձրանում: Տեսանյութում կտեսնենք մկրտությունը, տպավորությունները, և թե ինչ նվեր էր գտել, որը տանելու էր Իտալիա:
Նարեն և Մանեն միշտ իրենց ամառային արձակուդները անցկացնում են Ռուսաստանի Հյուսիսային Օսետիայի՝ Վլադիկավկազ մայրաքաղաքում: Քաղաքը սիրելի և հարազատ է դարձել: Տեսանյութերում կտեսնեք քաղաքը, քաղաքում եղած տարբեր հավատքի եկեղեցիները, հայկական փողոցը, հայկական՝ Ս.Գրիգոր Լուսավորիչ եկեղեցին, որի բակում տեղադրված է պապիկի քանդակած, նվիրած խաչքարը, քաղաքի մեջ վարարում է Տերեկ գետը: Պապիկի գյուղական տունը՝ Րետանտում, Նարեի խնամքը այգու նկատմաբ, լողուսուցումը, թե ինչպես է մասնակցում մեղր հավաքելու գործընթացին:
Հակիրճ, տեսաֆիլմերով կերևա, թե ինչպես անցավ մեր ծովային հանգիստը, և թե ինչպիսի քաղաք էր Անապան իր Վիտյաժևոյով և Սև ծովով: Նարեի պրպտումները, իր Յակուտիայի ընկերուհու հետ զրույցը, սևամորթ տղայի ափը տեսնելով մտածում էր, թե ներկած է, որովհետև ափը սպիտակ էր, կպատմի, որ կան շնագայլեր, ուղղակի բուսակեր են, գիշերային թափառումները: Կտեսնեք, թե ինչ խնամքով էր Մանեն ծովից հավաքում աղբը, ինչպես թույլ չտվեց, որ մեդուզաններին պահենք մեզ մոտ, նաև նույնիսկ լաց եղավ և չհամաձայնվեց գնալ Դելֆինարիում, որովհետև այդ շոուները կենդանիների կամքին հակառակ է արվում՝ ըստ իր կարծիքի: Մանեն լողաց բաց ծովում, ես չհամարձակվեցի, ձեզ կպատմի խորտակված նավի մասին: Անապայում կա Հայկաձոր հայկական գյուղ, որը շատ նման իր չքնաղ բնությամբ Դիլիջանին, Վարդավառի տոնն էր, վայելեցինք հայ երեխաների խաղը, մասկացեցինք պատարագին՝ Ս. Գևորգ եկեղեցում: Դե, ես էլ հավերժ սիրահարված մարդ՝ ծովային մայրամուտներին: Վերադարձի ճանապարհին էլ Մինվոդիում տեսանք արևածաղիկների ծով:
ՍԱՐԳՍՅԱՆ ՍՅՈՒԶԱՆՆԱՅԻ ԲԼՈԳ 