Արտակարգ ռեժիմում «Մխիթար Սեբաստացի» կրթահամալիրի Արևելյան դպրոց֊պարտեզի նախակրթարանը` կգործի հետևյալ աշխատակարգով։
Դաստիարակներ` Սյուզաննա Սարգսյանը և Հասմիկ Հարությունյանը ։
- Առավոտյան ես և Սյուզին 8։45 պարտեզի մուտքի մոտ հանդիպում ենք։ Մեզ ջերմաչափում է Արևելյան դպրոցի բուժաշխատող` տիկին Զոյան։
- Նախակրթարան մտնելուն պես զգեստափոխվում ենք` հագնում դիմակ, ձեռնոց և բախիլ։
- Բացում ենք խմբասենյակի պատուհանները և օդափոխում այն։
- Ախտահարում ենք բռնակները, սեղանները և աթոռները։
- Սաներին դիմավորում ենք բակում, ծնողները սպասում են հեռվում, մինչև սաներին ջերմաչափում ենք։
- Սաներին ախտահանում ենք հատուկ ձեռքի համար նախատեսված գելով (Ալկոգել), իսկ շորերը և կոշիկները սպիրտային զանգվածից կազմված հեղուկով։
- Սաները իրար հետ շփվում են (սեղանի մոտ, բակում խաղալիս և այլն) 1,5 մետր հեռավորությամբ։
- Նախաճաշը, ճաշը և հետճաշիկը խոհանոցից բերում է դաստիարակը և դաստիարակի օգնականը, հերմետիկ փակված տարրայով ։
- Հիմնականում նախաճաշը, ճաշը և հետճաշիկը (լավ եղանակի դեպքում ) կազմակերպում է բակում `մաքուր օդին։
- Սաները զուգարանից օգտվում են հերթով, և յուրաքանչյուր երեխայի օգտվելուց հետո մանրակրկիտ ախտահանում ենք այն։
- Քունը կազմակերպելիս անկողինները դնում ենք իրարից 1,5 հեռավորությամբ։ Արթնանալուց հետո սպիտակեղենը երեխայի հետ ուղարկում ենք տուն։
- Արթնանալուց անմիջապես հետո հագնվում, լվացվում և նստում ենք ճաշի։
Սաներին տուն ճանապարհելուց առաջ նույնպես կատարում ենք ջերմաչափում։
Ջերմաչափում կատարում ենք 2 անգամ և գրանցվում ջերմաչափման մատյանի մեջ։ - Օրվա աշխատանքային ռեժիմում, պահպանում ենք սահմանված հիգիենայի կանոնները ։
- Խմբասենյակը հաճախակի օդափոխում ենք և կազմակերպում սաների զբոսանքը։
- Զբոսանքի ժամանակ կողմնակի մարդկանց հետ շփումն արգելում ենք։
- Խնամքի պարագաները պահվում է ախտահանող հեղուկի մեջ։