«Ես կարողանում եմ…» նախագծի ընթացքում Արևելյան դպրոցի 1․3 դասարանի սովորողները ներկայացնում են իրենց մարզական կարողությունները։ Սովորողները յուրաքանչյու չորեքշաբթի մասնակցում են լողուսուցման պարապմունքի: Նշեմ, որ լողը սովորողների ամենասիրելի զբաղմունքներից է, որի միջոցով կոփվում ենք, լողալու հմտություններ ենք ձեռք բերում։ Կարևորում ենք սովորողների հիգիենան ու ինքնուրույնությունը: Սովորողներն արդեն ինքնուրույն հագնում են լողազգեստները, ռետինե հողաթափերը, ջրային գլխարկներն ու ակնոցը։ Լողավազան մտնելուց առաջ անպայման անցնում ենք ցնցուղարանով, հետո նոր մտնում լողավազան: Կատարում ենք նախավարժանք և զարգացնում մկանները։ Լողավազանից դուրս գալուց հետո նույնպես անցնում ենք ցնցուղարանով և կազմակերպում զգեստափոխումը: Սովորողների մեծամասնությունն արդեն լողում է առանց փրկօղակի և թևիկների, մի քանի սովորողներ էլ փորձում են լողալ ջրային թևիկներով:
Լողուսուցման պարապմունքներից բացի նաև հեծանվավարում ենք, մարզվում և վազում։ Սովորողների մի մասը հաղթահարել են քառանիվ հեծանիվ վարելը և արդեն փորձում են երկանիվ վարել։
Տեսանյութ՝
ՍԱՐԳՍՅԱՆ ՍՅՈՒԶԱՆՆԱՅԻ ԲԼՈԳ 